ချန်ဂီ အကျဉ်းသား

မလေးမှာ နေရင်း ပြန်မဲ့ ရက်ကို တွက်ကြည့်တော့ ဒီဇင်ဘာ 28 နေ့လည် 11 နာရီ ချန်ဂီရောက် 1 နာရီ ထိုင်ဝမ်လေယာဉ် ထွက်ဆိုတော့ အကိုက်ပဲပေါ့လေ။ ကြားထဲမှာ နှစ်နာရီတောင် ခြားထားတာဆိုတော့ အဆင်ပြေမှာပါပေါ့။ စီစဉ်သူ မိတ်ဆွေများကတော့ စိတ်ပူကြတယ်။ သူတို့ ဒေသ သူတို့ လေယာဉ်အခြေအနေကို သူတို့ ပိုပြီး သိတယ် မဟုတ်လား။ ခုချိန်က မလေးမှာ မိုးရာသီဖြစ်ပြီလေ။ လေယာဉ်ချိန်က နောက်ကျတာ များသတဲ့။

အဲဒါနဲ့ မိတ်ဆွေများက 27 ရက်နေ့မှာ မလေးကနေ စင်္ကာပူပြန်ဖို့ လေယာဉ်လက်မှတ် တခု စီစဉ်ပေးကြတယ်။ သူတို့ စိတ်ကူး 27-ရက်နေ့ စင်္ကာပူသွား။ ဟိုမှာ တစ်ည အိပ်။ 28-ရက်နေ့ နေ့လည်မှ အေးအေးဆေးဆေး ထိုင်ဝမ် ပြန်ပေါ့။ အင်းးး သူတို့ စိတ်ကူးနဲ့ သူတို့တော့ ဟုတ်လို့။ ဒီက မောင်မှာသာ စင်္ကာပူဗီဇာ မရှိလို့ ငေါင်နေရတာ။

သူတို့က စေတနာနဲ့ စီစဉ်ပေးကြတာဆိုတော့လဲ မပြောသာဘူးပ။ မပြောသာပေမယ့်လဲ ပြောတော့ ပြောလိုက်ရတယ်။ ငါ့မှာ စင်္ကာပူ ဗီဇာမရှိတော့ လေဆိပ်မှာ ညအိပ်ရုံပေါ့-လို့။ ဟယ် Arrival Visa ယူပြီးဝင်ပေါ့-တဲ့။ ဟှင်း ဟှင်း ဟှင်း။

မနှစ်က ဗီယက်နမ်ရောက် ရွှေမြန်မာတစ်ယောက်က ဗီယက်နမ် စတေးရှောင်ချင်တယ်။ ထိုင်ဝမ်ကို လာရှောင်လို့ ရမလား-တဲ့။ ကိုယ်က နောက်လိုက်မိသေးတယ်။ ရတာပေါ့-လို့။ သူက အားတက်သရောနဲ့။ ဆိုပါအုံး-တဲ့။

အဲ မောင်ရင့်မှာ အမေရိကန် Green Card- တော့ ရှိဖို့လိုတယ်။ အနှီဟာသာရှိရင် အေးဆေးပဲ၊ ဘယ်နေရာသွားသွား ၆ လ ဗီဇာရတယ်- လို့။ ခုလဲ ၀ဋ်လည်ပြီလား မဆိုနိုင်။ ကိုယ့် ပတ်စပို့အကြောင်း ကိုယ်ပဲ ကောင်းကောင်းသိတာဆိုတော့လဲ ဒီအတိုင်းပဲ ခံရုံပ။

ဆိုတော့ကာ သူတို့ပဲ စင်္ကာပူကို ဆက်သွယ်ပြီး ဘယ်လို လုပ်လိုက်သည် မသိပေါ့လေ။ အဲသည်နည်းနဲ့ အီးဗီဇာ ရလိုက်ပါတယ်။ ရတဲ့ အနှီ E Visa ဆိုသဟာလေးကို ပရင့်ထုတ်ပြီး လက်ထဲ လာထည့်ပေးတော့ ကောင်းလှောင်းတေး ကောင်းလှောင့်တေးပေါ့။

အဲသလိုနဲ့ 27 ရက်နေ့မှာ စင်္ကာပူ ချန်ဂီကို တခေါက် ပြန်ရောက်ရပြန်ပါတယ်။ ဒီတခါတော့ ခပ်တည်တည်ပါပဲ။ ဗီဇာ ဆိုသဟာက အပီပါသကိုးဗျ။ အီးဗီဇာကို ကြည့်ပြီး အင်မီဂရေးရှင်း မမလေး (တရုတ်လို 少姐ကို ထိုက်ရိုက်ဘာသာပြန်တာ) မျက်လုံးကို ထောင်ပြီး နှစ်ခါတောင် ကြည့်ပါတယ်။ ငါ့မျက်နှာ ဘာများ မှားနေပါလိမ့်-ပေါ့။ လူအားလုံး နှာခေါင်းက ဇောက်ထိုးပဲဟာ။ ငါ့ကျမှ ဘာများအထူး အဆန်းလုပ်ကြည့်ပါလိမ့် လို့ အောက်မေ့မိတယ်။

ဗီဇာစာရွက်ပေးပါ-တဲ့။ အမ် ! မမလေး လက်ထဲကဟာ ဗီဇာစာရွက် မဟုတ်လားဆိုတော့။ ဟုတ်သေးဘူးတဲ့။ နောက်တရွက် ရှိရအုံးမယ်-တဲ့။ ခု နင်ပြတာက တရွက်ပဲ။ နောက်တစ်ရွက် ရှိရအုံးမယ် ဆိုပဲ။ လာ၊ ခဏ လိုက်ခဲ့ ဆိုပြီး သူ့ အထက်အရာရှိဆီ ပို့ပေးပါတယ်။

အထက်အရာရှိကလည်း ကြည့်ရှု စစ်ဆေးပြီးသကာလ ဒီမှာ ကြည့် click here ဆိုတာ မြင်တယ်မို့လား။ ဗီဇာပေးတဲ့ Website-မှာ  ဒီနေရာမှာ click လို့ ရောက်သွားတဲ့ နေရာက စာမျက်နှာကို Print ထုတ်ခဲ့ရမှာ။ နင်က အဲဒီစာရွက်မှ မယူခဲ့ပဲ။ အညွှန်းစာရွက်ကိုပဲ Print-ထုတ်ခဲ့တာ တဲ့။ ခဏ လိုက်ခဲ့ပါ ဆိုပြီး အခန်းတခုထဲကို ထည့်လိုက်ပါတယ်။ အသေအချာ ကြည့်မိတော့မှ။ အင်း ပေသားပဲ။ ပထမဆုံးအကြိမ် မြင်ဖူး သုံးဖူးတဲ့E-visa ဆိုတော့လဲ ဘယ် သိနိုင်ပါ့မလဲ။ ကိုယ်တိုင် Print -ထုတ်ရတာဆိုလဲ တမျိုးပ။ အဲဒါဆိုရင်တော့ ကိုယ့်အမှားနဲ့ ကိုယ်။ [ အခုလဲ ကိုယ့်အမှားပါ။ ဗမာပီပီ သက်သာလို သက်သာငြား ကိုယ့်ဖာသာ ဆင်ခြေပေးကြည့်တာ။ ကိုယ့်ဆင်ခြေကို သူတို့က လက်မခံတော့လဲ သူတို့ ပို့တဲ့ အခန်းထဲမှာ သွား နေရသတည်းပေါ့။ ]

(လေဆိပ်အချုပ်ခန်းသို့ ပို့ဆောင်ပေးလိုက်သော မလေးမိတ်ဆွေများ၏ အမှတ်တရ လက်ဆောင်)

 

သူ အပြင်ဖက်ရောက်မှ အပေါ့သွားချင်လို့ အိမ်သာ မေးဖို့ တံခါးကို တွန်းကြည့်ပါမှ အော်- ဒါက အချုပ်ခန်းပေကိုးလို့ သဘောပေါက်တော့တယ်။ အင်းးး အချုပ်ကျမဲ့ ကျတော့လဲ အဆင်မြင့်မြင့် စင်္ကာပူမှာ အချုပ်ကျတာ မဆိုးပါဘူးလေ-လို့ ဖြေတွေ တွေးရမလိုလို။  ယတြာကျေသွားတာပေါ့လို့ တွေးရင်း ပြုံးမိလိုက်သေးတယ်။ အောင့်ရင်း ပြုံးရတာဆိုတော့ အောင့် ပြုံး ခေါ်ရမယ် ထင်ပါရဲ့။

အခန်းထဲ ထည့်တဲ့ အရာရှိ နောက်တခေါက်ဝင်လာတော့ ပြောမိလိုက်တယ်။ နင်တို့ ဗီဇာမပေးချင်လဲနေ၊ ငါ့ကိုတော့ ဒီလို အချုပ်ထဲ မထည့်နဲ့။ ဟောဒီမှာ ထိုင်ဝမ် ဗီဇာ၊ ဟော့ဒီမှာ လေယာဉ်လက်မှတ်၊ မနက်ဖြန် နေ့လည် တနာရီ လေယာဉ်နဲ့ ပြန်မှာ-လို့ ခပ်တည်တည် ဖိန့်လိုက်ရတယ်။ (ရုပ်တည်ကြီးနဲ့သာ ဖိန့်လိုက်ရတယ်။ ကိုယ့်အမှားနဲ့ ကိုယ်ဆိုတော့ မာမာ မဖိန့်ရဲဘူးပ။)

လူကြီးမင်း စိတ်မရှိပါနဲ့-တဲ့။ သူတို့ လိုအပ်တာတွေကို စုံစမ်းနေလို့ အချိန်ကြာသွားတာ ၀မ်းနည်းပါတယ်။ Invitation Letter -ပို့သူဆီ ဆက်သွယ်ပြီး E-visa စာမျက်နှာကို Print ထုတ်ပြီး Fax ပို့ခိုင်းထားပါတယ်။ ခု ရောက်ပါပြီ။ အဲဒါကြောင့်  ဗီဇာ ပေးလိုက်ပါ့မယ်-တဲ့။

ဒီလိုနဲ့ အချုပ်ခန်းထဲကို နာရီဝက်လောက် နေခဲ့ရသတည်း။ အင်းပေါ့လေ။ အချို့ဆိုရင် အိမ်ထောင် ဆိုသဟာတောင် ကျသွားပြီပဲ။ သူတို့မှာ လွတ်ရက်မရှိ။ သံယောဇဉ်နှောင်ကြိုးနဲ့ တည်းနှောင်။  နေပူပူ မိုးရွာရွာ ဘယ်အရာမဆို ရတယ်-တဲ့။ ကိုယ့်မှာတော့ ကိစ္စမရှိ။  လွတ်ရက်က အတိ ရှိနေပြီပဲ။ ပြီးတော့ အဲယားကွန်းနဲ့ ဘာနဲ့။ နေပူပူ မိုးရွာရွာ ဘယ်အရာမဆို လွတ်တယ်။