စင်္ကာပူမှ မလေးသို့

ချန်ဂီမှာ အင်တာနက်သုံးရတာ အတော်တော့ မြန်ပေသားပဲ။ သုံးတာ နာရီဝက်လောက်ကြာတော့ ကွန်ပြူတာ ပါဝါက နဲလာပါတယ်။ သည်တော့မှာ သြော် ငါ့ကွန်ပြူတာတောင် အတော် ဇရာညောင်းလာပြီပဲ-လို့ သတိထားမိပါတော့တယ်။ အင်းလေ ခင်မျာလဲ ကွန်ပြူတာလား မြောက်ကတည်းက တာဝန်ထမ်းလာတာ ၃နှစ်တောင် အတော်စွန်းပြီ ဆိုတော့ ဒီလောက်တော့ ဇရာလက္ခဏာ ပြရှာပေမပေါ့။

ပါဝါနဲလာလို့ အားသွင်းဖို့ ပလပ်ပေါက်လိုက်ရှာတော့ ဘယ်မှာမှ ရှာလို့မရ။ ထိုင်ဝမ်လေဆိပ်နဲ့ နဲနဲ ကွာပါတယ်။ ထိုင်ဝမ်မှာက Wi-Fi Free မရပေမယ့် ပလပ်ပေါက်တွေတော့ ထားပေးတယ်။ ဖုန်းတွေ အားသွင်းဖို့ ဆိုရင် Charger တွေပါ ထားပေးပါသေးတယ်။ ပိုက်ဆံပေးစရာမလိုပါဘူး။ ဖုံးအမျိုးအစားအလိုက် မော်ဒယ်လ်နံပါတ်အလိုက် စီစဉ်ထားပေးလေတော့ အတော်ကို အဆင်ပြေတာ။

စင်္ကာပူမှာတော့ အဲသလို မဟုတ်။ Transit ခရီးသည်တွေ နားနေခန်းမှာ ပလပ်ပေါက် မရှိ။  မနည်း ပြူးပြဲ ရှာတော့မှ Transit-ခန်းမထဲက ကောင်တာဟောင်းအောက်မှာ ပလပ်ပေါက်တွေကို တွေ့ပါတော့တယ်။ ၀မ်းသာအားရနဲ့ ကောင်တာအောက်ကို လေးဖက်တွားပြီးဝင်။ Charger ကို ထုတ်ပြီး အားသွင်းမယ် လုပ်ပါမှ ပလပ်ပေါက် မတူတာ သတိထားမိတော့တယ်။ သြော် သူ့အပေါက်နဲ့ သူ့ခေါင်းမှ တော်ပေမယ်ကိုး။ စင်္ကာပူ လေဆိပ်မှာ ပါဝါသုံးချင်ရင် ပလပ်ခေါင်းကိစ္စပါ ထည့်စဉ်းစားရတော့မယ်။

ပါဝါမရှိတဲ့ ကွန်ပြူတာကို ပိတ်။ ဖုံးပိစိလေးနဲ့ အင်တာနက်ကို ၀င်ကြည့်ပေမယ့် ကြည့်နေကျမဟုတ်တော့ အဆင်က မပြေချင်။ အဲဒါနဲ့ ဟိုဟို သည်သည် သွားကြည့်ရင်း ကိုသစ်ထွန်းကို သတိရမိသေးတယ်။

ကိုသစ်ထွန်းကို 2007-မှာ ဆုံဖူးတာပါ။ သူ့ ပတ်စပို့ကို ကြည့်မိတော့ နာမည်က ကိုသစ်ထွန်းမဟုတ်တာကို တွေ့မိတယ်။ အကျိုးအကြောင်း မေးကြည့်တော့ ကိုသစ်ထွန်းဆိုတာ သူငယ်ချင်းတွေ ပေးထားတာ-တဲ့။ သူငယ်ငယ်တုံးက အူတူတူ အတတ လို့ ဆိုပါတယ်။ (အမှန်ကတော့ ခု ကြီးသည် အထိ အူတူတူ အတတ) သူငယ်ချင်းတွေက သူ့ကို ရွှေသွေးဂျာနယ်ထဲက ကာတွန်းဇာတ်ကောင် မောင်န လို့ခေါ်ချင်တာပါ။ ခေါ်လို့ မကောင်းတာနဲ့ မောင်နကို ဆွဲတဲ့ ကာတွန်းဆရာ သစ်ထွဏ်းရဲ့ နာမည်ကို သူ့ကို ပေးခဲ့ကြသတဲ့။

ကိုသစ်ထွန်းက ဘိုလို ကောင်းကောင်းမရပေမယ့် နိုင်ငံခြားခရီးသွားဖို့ အခွင့်ကြုံလာပါတယ်။ ရှိစု မဲ့စု ဒေါ်လာလေး ကျစ်ကျစ်ပါအောင် ဆုပ်ရင်း ဗမာပြည်က ထွက်ခဲ့တာပေါ့။ ပထမဆုံးအကြိမ် နိုင်ငံခြားခရီးစဉ်မှာ တယောက်တည်း ဖြစ်နေခဲ့တယ်။ ထရန်စစ် ဆိုတော့ ဘဏ်ကောက်လေဆိပ်မှာ ၇ နာရီလောက် စောင့်ရသတဲ့။

စောင့်ရင်း စောင့်ရင်း အဲယားကွန်းဒဏ်မခံနိုင်လို့-တဲ့ဗျာ။ Yes သုံးလုံး No သုံးလုံး OKတွေ လှိုင်လှိုင်ကြီး သုံးပြီးသကာလ လေဆိပ်ထဲ နားနေခန်းလေးထဲ ၀င်ပြီး တုံးလုံးလှဲမိပါတယ်။ ပြန်ထွက်တော့ အစိမ်း20 ဆိုလား 25 ဆိုလား ရှင်းခဲ့ရတယ်-ဆိုပဲ။ သူက ပြောသေးတယ်။ "ကိုယ့်လူရယ် ကျုပ်ဖြင့် မချိသွားဖြဲ ဆိုတာ အဲသည်ကျမှ နဖူးတွေ့ ဒူးတွေ့ ကြုံဖူးတော့တာ။"-တဲ့။

ကိုယ်လဲ ကိုသစ်ထွန်းအပေါက်တော့ မရောက်လောက်ပေဘူးလို့ အောက်မေ့ရတာပ။ တောင်သွား မြောက်သွားရင်းနဲ့ သန့်စင်ခန်း ထဲမှာ ကိုယ့်ခေါင်းနဲ့ သင့်တော်တဲ့ ပလပ်ပေါက်တပေါက်ကို တွေ့ပါတယ်။ ရေးထားတာကတော့ မုတ်ဆိတ်ရိတ်စက်များအတွက်သာ-တဲ့။ ဘာရမလဲ။ ဗမာပဲဟာ။ မသိသလို သိသလို ယောင်လည်လည်နဲ့ ကွန်ပြူတာကို အားသွင်းရင်း လက်ကို နှစ်ထပ်သုံးထပ်လောက် ဆေး၊ မျက်နှာမှာ ရှိစု မဲ့စု ၀က်ခြံလေးတွေ ရှာကြံညှစ် ပြီး အချိန်ဆွဲရတာပေါ့။

အတော်ကြာတော့ သန့်ရှင်းရေးအလုပ်သမားတယောက် ရောက်လာပါတယ်။ တောမေးတောင်မေး မေးရင်း သူ့အင်္ဂလိပ်က ထော့နဲ့ ထော့နဲ့ ဖြစ်နေတာ သတိထားမိလို့ တရုတ်လို ရလားဟင်-လို့ မေးမိပါတယ်။ ရတာပေါ့၊ ငါက ပြည်မကြီးက လာတာပဲ-တဲ့။ မင်းရော ဘယ်ကလဲ ဘာညာ မေးရင်း စကားနဲနဲပါးပါး ပြောဖြစ်ပါတယ်။ သူ့လို သန့်စင်ခန်း အလုပ်သမားတယောက်ကို အဖက်လုပ်ပြီး စကားပြောမဲ့ သူမရှိတာလဲ အကြောင်းတခု၊ တရုတ်လို ပြောရတာ ခံတွင်းတွေ့တာလဲ အကြောင်းတခု ဖြစ်ပါလိမ့်မယ် ထင်ပါရဲ့။ သူပြောချင်တာတွေ ပြောရင်း မုတ်ဆိတ်ရိတ်တဲ့ ပလပ်ပေါက်မှာ ကွန်ပြူတာ အားမသွင်းဖို့ မပြောဖြစ်ပါဘူး။ ကိုယ်လဲ မိနစ် ၂၀လောက် အာရိုက်ရင်း အားသွင်းတော့ ကွန်ပြူတာ ဘက်ထရီ အားရှိလေသတည်းပေါ့ကွယ်။

ဘက်ထရီအားရှိပြီ ဆိုမှ အင်တာနက်မှာ လျောက်ကြည့် အီးမေး ပြန်စရာရှိတာလေးတွေ ပြန်။ စင်္ကာပူထဲကို Gtalk-နဲ့ ဆက်သွယ်။ နည်းနည်း ညောင်းတော့ တောင်လျောက် မြောက်လျောက်။ ရေမွှေးအရောင်းဆိုင်လည်း ရောက် 3C-ဆိုင်တွေလဲ ရောက်ပေါ့။ ဘာမှတော့ မ၀ယ်ဖြစ်ပါဘူး။ ညနေစောင်းတော့ မလေးဖက်ကို ညောင်းဖို့ Check in ၀င်။ ကိုယ်စီးရမယ့် ဂိတ်ကိုသွားတော့ လေယာဉ် 1နာရီ နောက်ကျမယ်-တဲ့။ အင်းးး  လေဆိပ်ထဲမှာ 5နာရီလောက် စောင့်ပြီးသား ဆိုတော့ ထူးပါဘူးလေ။ တနာရီ ပိုပြီး စောင့် ဆိုလဲ စောင့်လိုက်ရုံပ။ စောင့်ပြီးတဲ့နောက် လေယာဉ် စီးပြီး မလေးကို ညနေ 7:00 ကျော်ကျော်လောက်မှာ ရောက်ရှိပါတယ်။