ကျောင်းနေဖက်များ
ခုတလော ကျောင်းမှာ တောင်အမေရိကား ကျောင်းသားတွေက တနေ့တခြား များလာသည် ထင်၏။ စုံစမ်းကြည့်တော့ သူတို့က ဒီမှာ စကော်လာရသည်-တဲ့။ အကြောင်းကတော့ ထိုင်ဝမ်ကို အဲဒီနိုင်ငံတွေက သီးခြား နိုင်ငံအဖြစ် အသိအမှတ်ပြုလို့-ဟု ဆိုသည်။
ထိုကျောင်းသားအုပ်စုထဲ ရောက်သွားလျှင်ဖြင့် မျက်စိရော နားရော အကုန် လည်ထွက်သွားနိုင်သည်။ သူတို့ကား ဘာသာစကားကို အစုံသုံး၍ ပြောနေကြသည်လေ။ ပထမ အင်္ဂလိပ်လို ပြောလိုက်၊ တော်ကြာ တယောက် စပိန်လို ကောက်မေးလိုက်၊ တခါ ပေါ်တိုလို ပြန်ဖြေလိုက်၊ တခါတခါ တရုတ်လို ညှပ်ပြောလိုက်နှင့်။ တကယ် ရှုပ်ရှက်ကို ခပ်လို့။
ဆရာမက ထိုင်ဝမ်ကို ဘယ်လို မြင်ပါသလဲ-လို့ မေးတော့ အာဂျင်တိုင်းသူတယောက်က ဒီမှာ တယောက်နဲ့ တယောက် သိပ် စိမ်းတာပဲ။ လှိုက်လှဲလှဲ နှုတ်ဆက်တာလဲ မတွေ့ရဘူး။ အချင်းချင်း တွေ့ကြရင် ပြုံးရုံ ပြုံးပြ ၊ နိဟောင် ဆိုပြီး နှုတ်ဆက်တာပဲ ရှိတယ်-ဟု ဆိုပါသည်။
ဟုတ်လဲ ဟုတ်ပေသည်။ တရုတ်တို့က ပြုံးပြကာ တယောက်ယောက်က “နိဟောင်”ဆိုပါက ကိုယ်က ပြန်ပြီး ဟောင်လိုက်ရုံသာ။ ရွှေတွေကတော့ သိဖူး မြင်ဖူးပြီးသားဖြစ်လျှင် “ အဟဲ” ဆိုရုံဖြင့် ရသည်။ ဘိုတွေကတော့ How do you do? ဟု ဆိုကာ ဘာကို ကိုင်ခဲ့မှန်းမသိသည့် လက်ကြီးကို ကမ်းပေးသည်။ နောက်တယောက်ကလည်း ကမ်းပေးသော လက်ကို ကိုင်ကာ How do you do? ရုံနှင့် ကိစ္စပြီးလေသည်ကိုး။ အိမ်သာက အဆင်း ဗမာလို ဒုတ်ခညောင်းနှင့် ကုန်းခဲ့လျှင်တော့ အကြောင်းမဟုတ်။ တရုတ်လို စက္ကူသုံးလျှင်လဲ နဲနဲ တော်ပေဦးမည်။ ဟိုလူတွေလို ရေလောက်နှင့်သာ ကိစ္စဖြတ်ခဲ့လျှင်တော့ နှုတ်ဆက်ပြီးချိန်တွင် မိမိလက်ကို နဲနဲတော့ စနည်းနာ ကြည့်ဖို့ လိုမည် ထင်၏။
စပိန်ယဉ်ကျေးမှုထွန်းကာရာ သူတို့ဆီမှာတော့ ယောက်ျားလေးနှင့် မိန်းကလေး တွေ့ဆုံကြလျှင် တယောက်က လက်နှစ်ဖက်ကိုကားလို့ ရင်ခွင်ကို ဖွင့်ပေးလိုက်၏။ တယောက်က ရင်ခွင်ထဲ ၀င်လာသည်။ ပယ်ပယ်နယ်နယ်ဖက် ရင်ချင်းအပ် ပါးချင်း ဘယ်ပြန်ညာပြန်ကပ်ပြီး နှုတ်ဆက်ကြသည်လေ။
သူတို့ဆီက အေးသည့်အချိန်က များတော့ ထိုယဉ်ကျေးမှုက ဆင်ပြေပေလိမ့်မည်။ ထိုင်ဝမ်လို နေရာမျိုးတွင် နွေရာသီဖြစ်ပါက ချွေးတလုံးလုံးဖြင့် နှုတ်ဆက်ကြရရှာသည်။ သည်ပုံကို မြင်ရတော့ သူတို့ အစား ပိုစပ်ပူလောင် ခံစားရ၏။ ရွှေမြန်မာတွေလို အင်္ကျီ အိပ်ကပ်ထဲ တိုလီမုတ်စတွေသာ ထည့်လာခဲ့မိရင် ဟိုတယောက် ရင်နာတော့မှာပဲ ဟု မဆီ မဆိုင်တွေးမိပြန်သည်။
အတန်းထဲမှာ သူတို့နှင့် Classmate ဖြစ်ခဲ့သည်။ သို့သော် သူတို့ ယဉ်ကျေးမှုထဲမှာတော့ စီးမျောခွင့် မရခဲ့ပါ။ ဖြစ်ခဲ့သော Classmateများမှာ တချို့လဲ အမှတ်ထင်ထင်။ တချို့လဲ ဖာသိဖာသာ။ တချို့ကျပြန်တော့ တရင်းတနှီးရှိလှသည်။
ကျောင်းသူတယောက်ကိုတော့ အတော်ကို အမှတ်ထင်ထင် ရှိနေဆဲ။ မျက်လုံးက ညိုလဲ့လဲ့ မျက်နှာပုံနဲ့ အရပ်အမောင်းကစလို့ မြန်မာနဲ့ ချွပ်စွပ်။ ပထမ စတွေ့တော့ မြန်မာမလေးများ ဖြစ်နေမလားလို့ အထင်ရောက်မိသေးသည်။ တကယ်တော့ မဟုတ်ပါ။ အဖေက ထိုင်ဝမ်သား။ အမေက ဂျာမန်။ အင်း ဘယ့်နှယ် မွေးလာတဲ့ ကလေးကျပါမှ ဗမာရုပ်ပေါက်နေပါလိမ့်။ နာမည်လေးကို မေးကြည့်တော့ အိရို-တဲ့။
ရင်းနှီးတော့မှ သူမအကြောင်း သူမ မိသားစုအကြောင်း တော်တော်လေး သိလိုက်ရသည်။ ဂျာမနီသူတယောက် ထိုင်ဝမ်မှာ တရုတ်စကားသင်ရင်း ထိုင်ဝမ်သားတယောက်နဲ့ ညား။ သမီးတယောက် မွေး။ ပြီးတော့ နယ်လုကြသည်။ ထိုင်ဝမ်သားကလဲ ရာသီဥတုကစလို့ ထိုင်ဝမ်က ကောင်းသည်၊ ဂျာမန်သူကလဲ နိုင်ငံတကာဆက်ဆံရေးမှာ ဂျာမနီကပိုပြီး အိနြေ္ဒရသည်- စသဖြင့်။ သည်လိုနှင့် နယ်လုကြရင်း သူတို့ နှစ်ယောက် လမ်းခွဲခဲ့ကြသည်-တဲ့။
အဲဒီအချိန်မှာ အိရိုကတော့ မအေနဲ့ အတူ ဂျာမနီကို ပါသွားခဲ့သည်။ နှစ်တွေ ကြာလာတော့ ထိုင်ဝမ်သားက ထိုင်ဝမ်သူတယောက်နဲ့ အိမ်ထောင်သစ် ထူ။ ဂျာမန်သူကတော့ နောက်တယောက် မယူတော့ပါဘူး-တဲ့။
ခု နင်ဘယ်မှာ တည်းသလဲ ဆိုတော့ ဖေဖေတို့ အိမ်မှာပေါ့-တဲ့။ ပြီးတော့ သူ့ဖေဖေ မိသားစု အကြောင်း သူ့ဖေဖေအကြောင်းတွေကို ရွှန်းရွှန်းဝေနေအောင် ပြောပြသည်။ အိရိုကို ကြည့်ရသည်မှာ သူမ ဖေဖေကိုလဲ အပြစ်မမြင်။ ချစ်ခင်လေးစားသည့်ပုံသာ တွေ့ရ၏။
သူ့သမီးကို ဒီလို ပုံစံနှင့် ကြီးပြင်းလာအောင် ထိမ်းသိမ်း စောင့်ရှောက်၍ သူ့ဖခင်အပေါ် သည်လို သဘောထားတွေ ဖြစ်လာအောင် သင်ပေးခဲ့သည် အိရိုမေမေကို လေးစားမိသည်။
သည်အကြိမ် ထိုင်ဝမ်ကို ပထမဆုံးအကြိမ် လာတာလား ဆိုတော့ မဟုတ်ပါ-တဲ့။ ကြားထဲမှာ အချိန်ရရင် ရသလို သူ့မေမေက ထိုင်ဝမ်ကို ပို့ပေးခဲ့သည်။ ရည်ရွယ်ချက်ကတော့ ဖခင် မေတ္တာကို ရစေချင်လို့ လို့ ဆိုပါသည်။
ခုတခါ ထိုင်ဝမ်ကို သူမလာခြင်းသည် တကယ်တော့ တရုတ်စာသင်ဖုိ့ မဟုတ်။ သူက တရုတ်လို အတော်လေး ပြောတတ်ဆိုတတ် ရှိနေပါပြီ။ ဂျာမဏီမှာ အထက်တန်း အောင်ပြီးပြီ။ မကြာခင်မှာ တက္ကသိုလ် တက်ရပေတော့မည်။ တက္ကသိုလ်မတက်ခင်မှာ အဖေနဲ့ အတူတူ ကြာကြာ နေဖူးအောင် သူမမေမေက စီစဉ်ပေးတာပါ-တဲ့။ တကယ်ပဲ သူမဖေဖေ၏ မိသားစုနှင့် 6 လလောက် အတူနေသွားခဲ့သည်။
သူ့တို့ ယဉ်ကျေးမှုမှာ အရာရာသည် အနတ္တ-ဟု သွန်သင်မှု မရှိပေမင့် သမီးတယောက် လူသားဆန်စွာ မေတ္တာငွေ့ အပြည့်အ၀ ရရေးအတွက် သူတို့၏ အတ္တကို နှိမ့်ချနိုင်သူတွေ အဖြစ် မုဒိတာ ပွားမိတော့သည်။
ရွှေပြည်ကြီးက ပုဂ္ဂိုလ်တွေမှာတော့ အရာရာဟာ အနတ္တပါ-လို့ တဖွဖွ ရွတ်ဆိုနေကြရင်း မိမိတို့၏ အတ္တကို ရှေ့တန်း တင်လွန်းသည် ထင်၏။ အတ္တကို ရှေ့တန်းတင်လျှင် အယောင်ဆောင်တို့၏ လှည့်ပတ်မှုကို ခံရမြဲ ဖြစ်သည်။
အတ္တသည် ရှေ့တန်းသို့ ရောက်လာသောအခါ သံယောဇဉ်က မေတ္တာအယောင်ဆောင်လာသည်။ မေတ္တာအယောင်ဆောင်တတ်သော သံယောဇဉ်၏ ဒဏ်ကို သားသမီးများက ဘ၀နှင့် ရင်းပြီး ခံကြရရှာသည်။
အိရိုလေး ကံကောင်းပါသည်။ မိဘနှစ်ဦးစလုံးက အရာရာသည် အနတ္တ-ဟု သိကောင်းမှ သိပေမည်။ သို့ပေမင့် အတ္တကို ရှေ့တန်းမတင်ခဲ့ကြတာ သေချာပါသည်။ ထိုအခါ သံယောဇဉ်သည် မေတ္တာ အယောင်မဆောင်နိုင်တော့။ စစ်မှန်သော မေတ္တာသည်သာ သူတို့အတွက် ဖြစ်လာခဲ့သည်။
အတ္တသည် ရှေ့တန်းသို့ ရောက်လာသောအခါ သံယောဇဉ်က မေတ္တာအယောင်ဆောင်လာသည်။ မေတ္တာအယောင်ဆောင်တတ်သော သံယောဇဉ်၏ ဒဏ်ကို သားသမီးများက ဘ၀နှင့် ရင်းပြီး ခံကြရရှာသည်။
အိရိုလေး ကံကောင်းပါသည်။ မိဘနှစ်ဦးစလုံးက အရာရာသည် အနတ္တ-ဟု သိကောင်းမှ သိပေမည်။ သို့ပေမင့် အတ္တကို ရှေ့တန်းမတင်ခဲ့ကြတာ သေချာပါသည်။ ထိုအခါ သံယောဇဉ်သည် မေတ္တာ အယောင်မဆောင်နိုင်တော့။ စစ်မှန်သော မေတ္တာသည်သာ သူတို့အတွက် ဖြစ်လာခဲ့သည်။
စစ်မှန်သော မေတ္တာတွေနှင့်သာ ဘ၀ခရီး ဆက်နိုင်ကြပါစေ။
